Lutir

LUTURIN HESA VIKUNA

Týsk Walter P38 pistól

Henda Walter P38 pistólin, sum Krígssavnið eigur, stavar frá týska Heinkel 111 flogfarinum, sum søkti bretska vápnaða trolaran, Lincoln City á Havnarvág 20. februar 1941.
Loftverjukanónir í Havn og á Skálafjørðinum raktu flogfarið so meint, at tað noyddist at seta seg á sjógvin á Gøtuvík.
Menn úr Gøtu bjargaðu teimum fýra týskarunum, sum mannaðu flogfarið. Eitt tað fyrsta sum flogskiparin gjørdi, var at lata hesa pistólina frá sær.